Aко публиката е најдоброто мерило за успехот на еден актер, Илија Волчески и во филмот и во театарот постојано ја освојува публиката, со талентот, но и со харизматичноста. Минатата година тој оствари и главна улога во претставата „Галеб“ од Антон Павлович Чехов во продукција на Народен театар-Битола, чија премиера се одржа во рамки на Охридското културно лето.
Вели дека, особено му е значајна номинацијата за 13 величествени бидејќи доаѓа од медиум во неговиот град и од неговите сограѓани.
Притисокот во родниот град е најголем и натешко е да се докажеш пред својата публика-вели тој во разговорот за Радио Пела.
Покрај тоа што во континуитет е активен во театарски, филмски и телевизиски проекти, се уште не е вработен во ниеден македонски тетар. Но неговите љубов и посветеност кон глумата се посилни од препреките и му овозможуваат успешно да се остварува во својата професија.
Дали во Македонија, може да се опстои како хонорарец, кои се неговите планови за 2025, но и како дознал за номинацијата, дознајте во разговорот со Илија Волчески и секако изберете за кого ќе го дадете својот глас на нашата анкета 13 величествени.
Ф.Д.
