Во Виница денеска беше одбележена радосната вест за првото новородено дете во 2025 година.
Малиот Семин Салиов е првиот жител на општината за новата година, а неговото раѓање е причина за голема радост и празнична атмосфера во семејството и за локалната заедница.
Роден на 1 јануари 2025 година во 10:45 часот на Акушерското одделение во Општата болница Кочани, Семин е трето дете во семејството Салиови. Со неговото доаѓање на светот, Виница доби нов мал жител, а првороденото дете во годината е симбол на среќа и надеж за иднината.
„Ми претставува посебно задоволство што денеска имавме можност да го посетиме домот на малиот Семин и неговото семејство. Му посакуваме среќно и безгрижно детство, многу радост и гордост за семејството Салиови и за нашата општина“, изјави Миле Петков градоначалник на Општина Виница.
Виница се радува на секое новороденче, а првото во годината секогаш носи посебна значајност, бидејќи претставува симбол на нови почетоци и надеж за иднината.
Локалните власти и граѓаните им ја честитаа радоста на родителите и им посакаа многу љубов и среќа во нивниот дом.
Содржината на објавата е сопственост на Радио Кочани.
