Учениците, членови на медиумскиот клуб ,,Ким Ко Инфо”, од ОУ ,,Св. Кирил и Методиј”, денеска го посетија детското одделение во кочанската болница.
На дечињата кои се на одделението, им донесоа подароци кои ќе ги насмеат нивните лица. Подароците беа купени од средствата од продадените ,,Боенка и песнарка за КиМ Ко – инфо” , кои беа изработени од страна на членовите на клубот по повод првиот роденден на клубот.
Членовите на клубот, им посакаа на дечињата брзо оздравување и најубави желби за Новата година. На детското одделение, членовите на клубот беа пречекани со задоволство и пофалба за иницијативата од страна на вработените, особено од доктор Андријана Миловиќ Лазарова. Сите беа со иста заедничка желба, да има што помалку болни дечиња, а што повеќе насмевки на детските лица.
Originally published at {{feed_name}} by {{post_author_name}}
