Надлежните служби од Општина Кочани денеска озеленија дел од јавните површини.
Сто и дваесет садници од чемпрес, јасен и јавор се засадени во месноста Прокарка и над Градскиот базен, а се обновени и испразнетите места во дрворедите на улици во градот.
Хортикултурното уредување и озеленување на јавните површини се реализира со средства од Буџетот на Општина Кочани, според програмските активности за заштита на животната средина.
Комуналните инспекциски служби од Општина Кочани апелираат за совесно и одговорно однесување кон новите садници, дрвјата и воопшто кон зелените површини.
