Младоста ја поминав во Прилеп , корзото полно со млади , после во Липа на музика , мирно без стрес , а после за враќање се знае пред РЕКЛАМИ , убави времиња и нераскинлива меморија за тоа кај да се најдиш со пријателите.
Ехее тоа беа времиња, со постери пред РЕКЛАМИ се прикажуваа филмовите од едната а од другата страна за следната недела.Тоа беше главно собиралиште за состаноци на сите.Тоа беа времиња , Прилеп град на младоста и љубовта.
Тоа беа времиња , тука си ја фатив жена ми пред реклами , тогаш само речи пред РЕКЛАМИ и че дојди со че прај !
Секоја мајка можеше да си го најди чедото каде ? Па пред РЕКЛАМИ нормално , сега за жал немаме такви култно место !
Вака некако изгледаат коментарите на оние кои навистина ги доживеале моментите поминати во времето кога главно место за собирање и за дружба беа рекламите во центарот на Прилеп.Прилепчани барем сега кога владее дигиталната ера , можат да се потсетат преку различни коментари и навраќања на едни убави времиња кога се разбира дека РЕКЛАМИТЕ ги правеа среќни.Многу спомени се исппреплетени на оваа локација која во денешно време само го користи името , но ја изгубила поентата која ја имаше некогаш.
Кој знае можеби ќе се појават нови РЕКЛАМИ ? или пак само ќе продолжат сеќавањата за оваа култна позиција која многу ретко ја имаат други градови , зашто ова е една местоположба која некогаш ги спојуваше и ги хранеше со љубов , енергија и мотивација многумина!
