Честит патрон празник СВ.Климент Охридски – Облешево
ООУ „Климент Охридски“ од Облешево со гордост и пиетет го носи името на големиот сесловенски и македонски просветител свети Климент Охридски. Во негова чест во дворот на училиштето е поставена спомен-биста на ликот и делото на патронт.
На свечената академија во преполната спортска сала , свое поздравно обраќање имаше директорот на училиштето, Јорданчо Костадинов. При тоа, тој зборуваше за посветеноста на наставниот кадар и учениците .
„Задоволство е да се биде дел од оваа образовна институција но во исто време е и обврска и имање визија за идни успешни чекори во управувањето и раководењето на училиштето. Името на св.Климент Охридски е длабоко врежано во генезата на секој македонец, а тоа што го имаме за наш патрон како училиште не прави горди и не задолжува да ја продолжиме неговата мисија“, нагласи директорот Костадинов.
Учениците пред многубројните гости и присутни со преубави точки за оваа намена се претставија и го покажаа својот талент за настап и глума. Главната порака – „Го сакаме светот со своите различности, но во исто време го негуваме и истакнуваме нашето – македоското“ со успех беше испратена и прифатена од присутните и наградена со силен аплаус.
„Љубовта, хуманоста и моралните традиционални вредности нека бидат предизвик на новото време, а мир во душата и доброто здравје да бидат меѓу нас до следното видување на денешен ден догодина“.
