Учениците и психологот при СОУ „Ѓорче Петров“ Прилеп со информативно-едукативно видео на социјалните мрежи се вклучија во одбележувањето на 16 денови активизам против семејното и родово базирано насилство врз жени и девојчиња, превенција и заштита од насилство.
Што е мит, а што е факт? Како треба да се препознае и делува против родово базирано насилство врз жени и девојчиња? Треба ли да се прикрива и да се потиснува насилството чија што основа е родовата димензија. Според истражувањето на ОБСЕ, половина од жените во Македонија искусиле некаква форма на насилство, а 14% биле жртви на физичко или сексуално насилство. Една од десет жени се соочила со демнење.
