Ракометарите на Еурофарм Пелистер без проблеми славеа победа над Прилеп со 46:24. Вечерва во Битола, пред околу 1.000 гледачи, во салата “Боро Чурлевски“ ракометарите на Еурофарм Пелистер го отворија 11. коло од Супер лигата и лесно дојде до победа над екипата на Прилеп. Ракометарите на Прилеп едноставно беа немоќни пред налетото на пелистерци.
Од самиот почеток битолскиот состав ја наметна својата игра и веќе на паузата водеше со 23:16. За пелистерци ова беше 9-ти сезонски триумф во домашниот шампионат, а за прилепчани само еден тест на силите пред натпреварот со Пролет на следниот меч во гости, во Скопје.
На овој натпревар , Филип Кузмановски, со шест гола, беше најдобриот стрелец во екипата на Еурофарм Пелистер, додека за Прилеп, по шест голови постигнаа Илиески и Цветаноски.
