Јавното комунално претријатие Водовод и канализација Прилеп известува дека заради намалена издашност на Регионалниот водовод Студенчица, за потребите на градот се ставени во функција да се користат алтернативните градските бунари.
„Поради неповолните временски услови и големата суша, изворот Студенчица има намалена издашност на вода, што значи дека не ги задоволува потребите од вода за пиење во градот. ЈКП „Водовод и канализација“ Прилеп вложува максимални напори тој недостаток да го надополни со алтернативни извори на вода и затоа ги пушти во работа Градските бунари. Се замолуваат корисниците за трпение и разбирање за новонастанатата ситуација, затоа што при пуштањето на бунарската вода во водоводниот систем се очекува да дојде до поголема флуктуација на водата и до одредени органолептички промени на истата. Тие можат да бидат во форма на поголема заматеност на истата, „заробен“ воздух и слично. Нашите стручни служби постојано се на терен, работат и ја контролираат целата ситуација, “ стои во соопштението од ЈКП Водовод и канализација Прилеп.
