Според најавите, патниот правец кон Градската депонија кај Бели од утринава е блокиран. За ова причина е чадот што „извира“ од ѓубриштето, појава што трае непрекинато подолг период. Насобраните граѓани кај „Белската“ кривина не ги пропуштаат возилата на КЈП „Водовод“. Останатите поминуваат.
Граѓаните бараат уредување и порамнување на депонијата, третирање на сметот со алги, видео надзор, стражарска служба, стопирање на донесувањето отпад од Виница и соседните општини. Исто така, се бара отстранување на лицата што се дивонаселени на ѓубриштето и повремено се предизвикувачи на пожари, пребаруваќи по предмети и метал што можат да ги продадат.
Блокадата на патниот правец кон депонијата кај селото Бели ќе биде 24 – часовна се до исполнување на барањата.
Од викендов тешка механизација работи на санирање на состојбата и затрупување на ѓубрето, но таму сеуште чади. „Водовод“ поставил стража со дежурства и преку ноќ.
На блокадата утринава дојде и директорката на Комуналното претпријатие, Кристина Финдачка, и ги извести граѓаните за активностите што во моментов се преземаат.
Блокадата продолжува се до исполнување на поставените барања.
Текстот е превземен од Радио Кочани.
