Во изминатава деценија Амфенол Технолоџи Македонија, континуирано донира за општо добро и во позитивни цели, од кои корист имаат сите жители на регионот.
Во пресрет на 11 годишниот јубилеј на компанијата, денес детските градинки во Чешиново – Облешево и Зрновци, добија вредни донации од Амфенол.
Децата и вработените добија дидактички материјали кои ќе ги користат во воспитно образовниот процес а за установата, соодветно на потребите се обезбедени средства за работа кои ќе го олеснат секојдневното функционирање. Радоста и изненадувањето на децата беа огромни, а вработените упатија благодарност до Амфенол, поддршката и вредните донации. Покрај ова, Амфенол денес донираше и на Доброволното противпожарно друштво.
Донацијата се состои од антени за базни станици со широк опсег, а противпожарното друштво доби и сет од мобилни антени со вклучена конекторска мрежа и кабли, кои ќе бидат поставени на противпожарните возила. Со оваа донација ќе се подобрат условите за работа на ДПД и ќе се обезбеди сигурна и ефикасна комуникација помеѓу базните станици и противпожарните возила што е особено важно во случаи на пожар. За Амфенол и во иднина еден од приоритетите останува помагањето на општествените процеси, а со своите постапки досега го потврдија имиџот на општествено одговорна компанија која и’ помага на целата заедница.
