Во Женската лига, вардарки лесно на свој терен ја победија Деспина со 39-18. Со тоа ракометарките на Вардар прославија уште една лесна победа ,а Деспина поразена се врати во Прилеп
И овој како и многу натпревари од Женската лига беше решен уште во првото полувреме, кога домашните направија солидна залиха од 17-9. Во вториот дел уште повеќе беше надигран противникот за на крајот победата да биде со 21 погодок.
Во составот на Деспина по пет гола постигнаа Сања Цветкоска и Анастасија Јованоска, а најдобри стрелци во победничкиот тим беа Леона Миленкоска со осум, додека по шест погодоци имаа Сара Богојеска и Јана Поповска.
