Командирот на ТППЕ – Кочани, Драган Апостолов апелира до сите земјоделци од регионот да не ги палат стрништата, туку остатоците од жетвата да ги носта во станицата за пречистување на отпадните води во Мојанци , каде оттаму ќе добијат една вреќа органско ѓубриво со трговското име „Комвод“.
– Апелираме до земјоделците да престанат да ги палат стрништата, бидејки се една од најчестите причини за предизвикување пожари.
Знаеме дека е период кога земјоделците ги прибираат и последните земјоделски култури, а остататокот од растителниот отпад го палат заедно со сувата трева и стрништата во близина што не е дозволено.
Со цел да не дојде до ризик од големи пожари на кои бевме сведоци изминативе години. Затоа апелираме да го складираат таквиот отпад и да го транспортираат до пречистителната станица за отпадни води во Мојанци, истакна Апостолов.
Истовремено, истиот апел го упати и Државниот инспектор за животна средина во кој се вели „Не палете стрништа! Заштитете се себеси, другите и животната средина“.
Доколку земјоделците не ги почитуваат одредбите од законот, ќе им се изрече глоба во износ од 1.500 до 3.000 евра во денарска противвредност, ако запалат стрниште.
