Советот на општина Прилеп, доцна попладне на вонредна сецница, донесе одлука со која што утрешниот ден , петок 4 октомври, го прогалси за Ден на жалост, по трагичната несреќа која се случи изутринава на магистралниот пат Прилеп-Битола, во која загинаа три медицински лица од Прилеп.
Во сообрајќањата несреќата загинаа: Примриус д-р. Александар Ристески, специјалист радиолог, гинекологот д-р Никола Василески и радиолошкиот технолог, Фанче Јованоска, кои работеа во битолската болница „Плодност“. Несреќата се случила при судир на патничко моторно возило „тојота“ во кое биле медицинските лица и товарен камион кој пренесувал лесно запаливи материи. Поради силината на ударот избил пожар од кој биле опожарени и двете возила и во кои животот го загубиле тројцата лекари од Прилеп.
На почетокот на седницата советниците им одадоа почит на загинати прилепски лекари со едно минутно молчење, a градоначалникот на Прилеп од говорницта изрази огромно жалање за загубата.
Како градоначалник , лекар, но пред се како човек, со огромна тага, длабока болка и со неверување ја примив веста,за сообраќајна несреќа која утринава се случи на патниот правец Прилеп-Битола , каде животот го загубија тројца наши сограѓани, врвен стручен лекарски тим, за кои сите ние вечно ќе жалиме. Тоа беа мои колеги, мои сограѓани со кои се сретнував низ работата и секојдневието. Тоа беа почитувани луѓе за кои се уште сум во неверување дека повеќе ги нема на овој Свет.
Прилеп и Македонија со нив изгуби, врвни лекари специјалисти, еминентни и почитувани луѓе, посветен и одговорни граѓани. Прилеп вечно ќе се сеќава на Прим. д-р Александар Ристески, спец. радиолог, д-р Никола Василески гинеколог и Фанче Јованоска радиолошкиот технолог, кои ќе бидат вечна наша тага и непребол. Во оваа прилика сакам да изразам сочувство до семејтвата за нивната огромна загуба и болка! Вечна им слава ! Нека почиваат во мир!
Утре, на Денот на жалост се откажуваат сите културни и спортски манифестации во општината, а знамињата пред општинската зграда и македонското знаме на влезовите од градот и на јароблот во центарот на градoт, ќе бидат поставени на половина копје.
Општина Прилеп апелира до сите општествени чинители да ги одложат сите јавни и приватни прослави, забави, културно-уметнички и спортски настани, партиски и друг тип на промоции предвидени за утре, а угосителсите објекти и локалните радиодифузери да ја прилагодат музиката според одликата.
