Стотици илјади корисници денеска пријавија проблеми со пристапот до Facebook, додека дел од корисниците се соочуваат и со потешкотии при користењето на Instagram и Messenger.
Според податоците на платформата DownDetector, проблемите започнале околу 9:30 часот по источноамериканско време, а досега се регистрирани повеќе од 100.000 пријави за недостапност на Facebook.
Корисниците наведуваат дека не можат да се најават на своите профили, а наместо тоа добиваат порака „This page is not available“ („Оваа страница не е достапна“).
Покрај Facebook, дел од корисниците пријавуваат проблеми со вчитување на содржини на Instagram, како и со користењето на Messenger.
Компанијата Meta, која е сопственик на трите платформи, засега не објавила официјално соопштение за причините за прекинот ниту кога услугите целосно ќе бидат вратени во нормала.
Во моментов не е познато дали станува збор за технички дефект, проблем со серверите или поширок прекин на инфраструктурата на компанијата. објави Скопје1.мк
Содржината на објавата е сопственост на Радио Кочани.
