Од денеска, 12 јуни петок започнува првиот уписен рок за запишување ученици во прва година средно образование за учебната 2026/2027 година.
Според конкурсот објавен од Министерството за образование и наука, електронското пријавување ќе трае од денеска до 15 јуни преку националниот портал за електронски услуги, каде учениците ќе се најавуваат со своите кориснички сметки од системот schools.mk.
По електронската апликација, потребната документација ќе треба да ја достават во училиштата во кои конкурираат.
Во Кочани во двете средни училишта слободни се 497 места, односно во СОУ „Љупчо Сантов“, 236, а во „Гошо Викентиев“ простор за упис има за 261 ученик.
Во Виница пак, слободни места за упис има за 202 ученика.
Доставувањето на потребната документација ќе се врши на 16 и 17 јуни, а конечните ранг-листи училиштата ќе ги објават на 18 јуни.
Доколку за одредени образовни профили има поголем број пријавени ученици од предвидените места, ќе се организира квалификациско тестирање на 22 јуни.
Во јунскиот уписен рок е предвидено и второ пријавување на 23 јуни, додека августовскиот уписен рок ќе се реализира на 20 август.
Содржината на објавата е сопственост на Радио Кочани.
