Кочани в сабота, 13 јуни, ќе биде центар на спортот, рекреацијата и забавата со одржувањето на првото издание на „Women Power Cup 2026“.
Настанот ќе се одржи во училишниот двор на СОУ „Љупчо Сантов“, а ќе обедини учесници и посетители од повеќе од десет градови од државата.
Програмата започнува во 17 часот и ќе трае до полноќ, нудејќи содржини за сите генерации.
Во рамки на настанот ќе се одржи женски баскет 3х3 турнир, фитнес натпреварување, активности и забава за најмладите, како и штандови со храна и пијалоци.
За добрата атмосфера ќе се погрижи и музичката програма со DJ сетови и забавни содржини во текот на вечерта.
Целта на „Women Power Cup 2026“ е промоција на физичката активност, здравиот начин на живот и женскиот спорт, но и создавање простор за дружење, позитивна енергија и заедничко уживање на граѓаните.
Организаторите ги покануваат сите жители на Кочани и околните градови да бидат дел од овој уникатен спортско-забавен настан и заедно да испратат силна порака за спортот, здравјето и женската моќ.
Содржината на објавата е сопственост на Радио Кочани.
