В понеделник ,15 јуни, со почеток во 19 часот во Градскиот парк во Кочани, ќе се одржи хуманитарен настан посветен на Јорданчо Џамов и загинатите ангели.
Настанот има за цел да ги обедини хуманоста, љубовта и заедништвото, а сите собрани средства ќе бидат наменети за изградба на спомен-обележјето „Патека на бесконечноста“, како и за помош и поддршка на семејства од ранливи категории.
Во рамките на програмата е предвидена модна ревија во соработка со Универзитетот „Гоце Делчев“ од Штип, како и продажба на фустани, при што средствата од продажбата ќе бидат донирани за реализација на хуманитарните цели на настанот.
За посетителите ќе биде организирана и музичка програма, а организаторите ги повикуваат граѓаните да присуствуваат и заедно да испратат порака на хуманост, почит и надеж.
Настанот е во организација на пријателите и семејството на Јорданчо Џамов.
Содржината на објавата е сопственост на Радио Кочани.
