Во Центарот за култура „Бели мугри“ во Кочани вечерва во 19.30 часот ќе се одржи концертот „Квартет саксофони“. Настапатуваат Горан Кавраков, Славица Деспотова, Никола Темелков и Даме Камчев.
-Уникатен музички настан на кој четири саксофони ќе создадат магична атмосфера низ познати мелодии, современи аранжмани и безвременски композиции.Подгответе се за вечер исполнета со моќен звук, елегантна атмосфера, музика што допира до душата, најавува организаторот и домаќин на овој музички настан, ЦК„Бели мугри“.
Кавраков, Деспотова и Темелков се од Штип, Дамчев е од Кавадарци. Сите се со завршена музичка академија на различни универзитети.
Концертот ќе се одржи восалонот „Фоаје 2“ на Националната установа од Кочани.
Проектот е дел од годишната програма на „Бели мугри“, под покровителство на Министерството за култура и туризам.
Содржината на објавата е сопственост на Радио Кочани.
