Денеска, Основното училиште „Раде Кратовче“ го одбележува својот патрон празник со низа свечени активности. Чествувањето започна со изведба на химната од училишниот хор, по што беше положено свежо цвеќе пред бистата на Раде Кратовче.
Почит му оддадоа делегација од училиштето, претставници од локалната самоуправа предводени од градоначалникот Грозданов, како и членови на семејството Раде Михајлов Кратовче.
Во рамки на програмата беа доделени благодарници на учениците кои постигнаа успеси на литературниот и ликовниот конкурс, а беа откриени и таблите со обележја на младинските клубови кои ги носат имињата на Петар Ивановски и Драгана Минова – деца кои трагично ги загубија животите во пожарот во „Пулс“, а чии родители се дел од колективот на училиштето.
Свеченоста беше збогатена и со спортски активности, при што учениците од прво и трето одделение одиграа меѓуодделенски натпревари во фудбал и кошарка.
Содржината на објавата е сопственост на Радио Кочани.
