Ново поскапување на горивата стапува на сила од ноќеска на полноќ – Регулаторната комисија за енергетика денеска донесе нова одлука за максималните малопродажни цени на нафтените деривати.
Според новиот ценовник, бензинитеЕУРОСУПЕР БС-95 и ЕУРОСУПЕР БС-98, како и екстра лесното масло за домаќинство, поскапуваат за 7 денари по литар. Со тоа, максималната малопродажна цена на ЕУРОСУПЕР БС-95 ќе изнесува 86,50 денари за литар, додека ЕУРОСУПЕР БС-98 ќе достигне 88,50 денари.
Кај дизелот ЕУРОДИЗЕЛ (Д-Е V) зголемувањето е 6,50 денари по литар и од полноќ ќе изнесува92 денари. Екстра лесното масло за домаќинство (ЕЛ-1) ќе се продава по цена од 89,50 денари за литар.
Повисока цена ќе има и мазутот. Малопродажната цена на мазутот М-1 НС се зголемува за4,867 денари по килограм и ќе изнесува 47,453 денари за килограм.
