Пет ученички од 9 то одд. членови на медиумскиот клуб во ООУ „Крсте Петков Мисирков“ Оризари беа дел од проектот „Млади креатори на содржина“ во организација на томот на „Види Вака“ и „Гоце.мк“. Станува збор за ученичките Бисера Стоилова, Марија Ананијева, Ана Каранфилова, Магдалена Николова и Теодора Трајчева и нивниот ментор наставничката Тања Велкова.
Проектот има за цел да им даде простор и алатки на младите од Источна Македонија да создаваат кратки видео приказни за теми што ги засегаат нивните заедници, со фокус на проблемите и права на младите, локални проблеми, јавни услуги, јавни простори и позитивни примери.
Ова е важно затоа што регионот често е недоволно застапен во медиумите, а младите ретко имаат структурирани можности да учат и практикуваат одговорно и креативно раскажување приказни.
Младите имаа можност да изработат приказни во склоп на проектот и да им бидат објавени на „Види Вака“ и „Гоце.мк“. како и можност за платен ангажман во иднина во „Види Вака“.
На тридневата обука што се реализираше во хотел Оаза во Штип учесниците беа од различни градови од Истокот, и беа основци, средношколци и студенти на новинарство и односи со јавност и други факултети.На обуката имаа можност да слушнат што значи да се биде новинар, кои се предизвиците со кои се соочуаат новинарите, како еден медиум може да дава глас на безгласните и да создава приказни што прават промени, за етиката на објективот, за отпорноста на новинарот(борба, бегство, замрзнување, изгореност, поставување граници), а учесниците имаа можност и лично од локалните новинарида слушнат повеќе за нивните искуства во новинарството преку личната средба и разговор со нив.
Многу корисна беше обуката за учесниците бидејќи меѓудругото се зборуваше и за безбедност на терен и физичка сигурност, режими на заклучување и спречување неовластен пристап, безбедна комуникација, заштита на лични податоци со секундарни уреди, управување со податоци и пристап во случај на притвор или запленување, совети за мобилно новинарство, подесувања на камера и техничка поддршка, основи на монтажа каде што учесниците имаа можност да снимаат и монтираат сами прилог и истиот да биде претставен на обуката.
Од психолошки аспект слушнаа за заштита на своето ментално здравје – влијание на траума, адреналин, шум од публика, психолошки техники за исклучување.
На обуката имаше обучувачи од Македонија и Србија,организатор беше тимот на „Види Вака“ и „Гоце мк“. На крајот сите учесници добија сертификати за учествои скоро сите дадоа свои изјави за учество во емисијата „Види Вака“.
Ученичките од ООУ „Крсте Петков Мисирков“презадоволни и полни со нови знаења севратија од обуката, а организаторите беа воодушевени од нив и од нивното активно и креативно учество во обуката со оглед на фактот дека тие беа најмалите а воедно најактивните учесници на обуката.
Содржината на објавата е сопственост на Радио Кочани.
