Речиси една година по трагедијата што го потресе Кочани, прашањата поврзани со психолошките последици и процесот на закрепнување и понатаму се значајни за жителите на општината.
Во рамки на проектот „Живот по трагедијата во Кочани“ разговаравме со претседателката на Секцијата на кризни интервенци при Комората на психолози, Мирјана Јовановска Стојановска, за тоа како заедницата се справува со последиците од настанот и каква поддршка е потребна на долг рок.
Во разговорот се отвораат теми за најчестите психолошки реакции по трауматски настан, можноста тие да се појават и со временска дистанца, како и за важноста од навремено препознавање на потребата од стручна помош.
Зборувавме и за улогата на институциите во обезбедување континуирана психосоцијална поддршка, како и за значењето на Регионалниот центар за ментално здравје и психосоцијална поддршка за Кочани и источниот регион.
Јовановска Стојановска посочува дека закрепнувањето е индивидуален процес и дека различни луѓе различно се справуваат со траумата.
Дел од граѓаните веќе се враќаат на вообичаеното секојдневие, додека кај други процесот трае подолго и бара дополнителна поддршка.
Токму затоа, достапноста на професионална помош и континуираната грижа за менталното здравје остануваат клучни аспекти во периодот по вакви настани.
Во продолжение погледнете го видео разговорот:
Д.Николов
Овој продукт е изработен со финансиска поддршка од Европската Унија во рамките на проектот SMS Facility – Поддршка за малите медиуми од Западен Балкан, локално имплементиран од Фондацијата Метаморфозис. Содржината е единствена одговорност на медиумот и авторот и не ги одразува нужно ставовите, мислењата или вредностите на Европската Унија, Фондацијата Метаморфозис или проектот SMS Facility.
Содржината на објавата е сопственост на Радио Кочани.
