Прилепските пензионери кои примаат минимална пензија и за наредната година ќе можат да користат бесплатен јавен градски превоз. За остварување на ова право потребно е пензионерите да се пријават, односно да поднесат барање до ЈП за ПУП, од каде преку соопштение информираа што е потребно:
„Се информираат сите пензионери со минимална пензија ( во моментов 19 900 денари) кои имаат право да користат бесплатен превоз истите можат да поднесат барање од денес 15.12.2025 до 15.01.2026 година во просториите на ЈП за ПУП – ул.„Крушевска“ бр.11А (старо шумско) секој работен ден од 08:00 до 15:00 часот.
Потребни документи кои треба да ги достават:
1. КОПИЈА ОД ЛИЧНА КАРТА;
2. ЧЕКЧЕ ОД ПЕНЗИЈА ОД ПОСЛЕДНИОТ МЕСЕЦ;
3. 2 ФОТОГРАФИИ СО ДИМЕНЗИИ: 35мм х 45мм.
Се замолуваат сите заинтересирани да го запазат рокот за пријавување од 15.12.2025 до 15.01.2026година секој работен ден од 08:00 до15:00 часот во просториите на ЈПзаПУП.
НАПОМЕНА:
После овој датум нема да можат да го реализираат правото за бесплатен превоз.
За подигнување на картичките ќе бидете дополнително инфотмирани,“ соопштуваат од ЈП за ПУП.
