СВР Штип поднесе кривична пријава до Основното јавно обвинителство против 36-годишниот Б.Ј. од Кочани, под сомнение дека извршил „ширење на расистички и ксенофобичен материјал по пат на компјутерски систем“, казниво по член 394-г од Кривичниот законик.
Во пријавата се вели дека на 18 ноември околу 22:48 часот, осомничениот на социјалната мрежа „Фејсбук“ објавил фотографија и текст со кои промовирал и поттикнувал насилство кон Д.Ј. од Кочани.
Содржината на објавата е сопственост на Радио Кочани.
