Во рамките на Проектот за поврзување на локални патишта – P170267 со Министерството за транспорт и Светска банка, Општина Кочани спроведува проектна задача за подобрување на безбедноста на децата во сообраќајот.
Како една од десетте општини во Македонија, Општина Кочани со ОУ „Никола Карев“ спроведе кампања во која беа опфатени учениците од сите одделенија.
Едукативните настани се реализираа преку интерактивни работилници, гледање видеа, делење летоци и плакати. Беа спроведени и теренски групни движења на учениците по тротоарите, а се вежбаше и преминување преку пешачки премини. Учениците делеа пораки со содржини за зголемено внимание за безбедноста на учениците од страна на возачите.
Кампањата се спроведе во партнерство на Општинскиот совет за безбедност во сообраќајот на патиштата – Кочани, ПО за БПС – Кочани и Општина Кочани.
Содржината на објавата е сопственост на Радио Кочани.
