Општина Зрновци реализираше нов капитален проект со набавка на трактор и современа приклучна комунална механизација, со што значително ќе се унапреди одржувањето на локалната патна инфраструктура.
Новата опрема ќе овозможи поефикасно и навремено чистење на снег во зимски услови, одржување на зеленилото и патиштата во текот на летото, како и подобрување на хигиената и уреденоста на јавните површини.
Со овој проект се обезбедуваат побезбедни и проодни патни правци за сите жители и посетители на општината, што претставува значаен придонес кон подобрување на условите за живот и функционирање на жителите.
Средствата за реализација се обезбедени преку потпишан договор за финансирање помеѓу Министерството за локална самоуправа и Општина Зрновци, а набавката на опремата е спроведена во соработка со економскиот оператор „СИМПЕКС“ ДОО – Битола. Вкупната вредност на проектот изнесува 5.499.570 денари со вклучен ДДВ, а финансирањето е обезбедено преку програмата за „Намалување на регионални диспаритети и зголемување на конкурентноста“ за 2025 година.
Голема благодарност до министерот за локална самоуправа Златко Перински и Владата на Република Македонија, предводена од премиерот Христијан Мицкоски, за континуираната поддршка во реализацијата на проектите кои придонесуваат за подобар живот на граѓаните, рече градоначалникот Борчо Коцев.
Содржината на објавата е сопственост на Радио Кочани.
