Обичен граѓанин, соседка, жена, носител на советничката листа број 1 за советник во Општина Кочани.
Катерина Христова се бори за иднина каде секој граѓанин ќе се чуствува ценет и заштитен.
Довербата од гласачите ја смета за нејзина најголема одговорност.
Еве што изјави за Радио Кочани:
Јас, Катарина Христова, се кандидирам за советничка во советот на општина Кочани. Јас сум обичен граѓанин, сосетка, жена која секојдневно ги гледа радостите и тешкотиите на животот во нашиот град.
Знам дека животот не е лесен – многу семејства страдаат, едно од нив е и моето семејствo, децата растат во неизвесност, а многумина се соочуваат со семејно насилство кое оставa трајни последици.
Мојата мисија како советничка е да бидам глас на оние кои никој не ги слуша, ќе се борам за безбедни семејства и за иднина каде секој граѓанин ќе се чувствува ценет и заштитен.
Сакам да создадеме реални решенија за проблемите кои навистина влијаат врз животот на луѓето.
Патот е тежок, предизвици има многу, но со заедничка работа и посветеност можеме да направиме вистинска разлика.
Вашата доверба ќе биде мојата најголема одговорност.
Јас ќе се залагам за: Спорт, рекреација, бесплатен фитнес центар за млади до 20 години.
Рана превенција од комарци, чистење на Градската депонија.
Субвенции за бесплатно полагање на возачки испит за млади до 30 години.
Стационари за вдомување и згрижување кучиња и мачиња.
Институционална помош за жртвите од семејно насилство.
Подршка за такси-превозниците и намалување на давачките.
Пониква со фокус на детски катчиња и адреналински парк, како и зелен пазар во Кочани, срцето на градот.
Содржината на објавата е сопственост на Радио Кочани.
