Градскиот пазар во Кочани конечно треба да добие достоинствен изглед и функционалност каква што заслужуваат и граѓаните и трговците! Ова го кажа кандидатот за градоначалник на СДСМ и коалицијата, Игор Христов, на прес конференција денеска токму од локација во кочанскиот пазар.
Во моментов, пазарот за текстил и за широка потрошувачка се простира долж улицата „Гоце Делчев” и секој четврток, кога е пазарен ден, коловозната и тротоарската површина се зафатени со тезги, што создава сообраќаен хаос и несоодветни услови за работа и за купување. Тоа ја нарушува и безбедноста во овојдел од
градот, каде што има и основно училиште, детска градинка, објекти за колективно домување. Во вакви услови, пазарот ги иритира и домаќинствата што живеат на овој потег, кои немаат пристап до сопствените влезови и гаражи, смета Христов.
Како кандидат за градоначалник, нагласи тој, ќе се залагам за системско решение — уредување на модерен, безбеден и хигиенски пазарен простор на соодветна локација, со санитарни услови и пристап за сите
граѓани. Ова не е само прашање на уредување, туку и на ред, економски развој и почит кон јавниот простор.
На крајот, Христов, истакна дека како иден градоначалник на Општина Кочани, со советничкиот состав од СДСМ и коалицијата, ќе реализира проект што ќе го
трансформира пазарот во современ градски пункт, каде што ќе се спојуваат традицијата, локалната економија и урбаниот развој.
Нека не обедини бројот 5 – за одлични резултати во наредниот мандат! Мандатот што претстои.
Кочани заслужува брз и динамичен развој, порача кандидатот за градоначалник од редовите на СДСМ/
Содржината на објавата е сопственост на Радио Кочани.
