Вкупниот број на гласачи запишани во Избирачкиот список за локалните избори изнесува 1.832.415 лица. Од овие избирачи во изводите на Избирачкиот список се запишани 1.717.803 избирачи, информираше денеска претседателот на Државната изборна комисија (ДИК) Борис Кондарко. Тоа значи дека за 29.539 се зголемил бројот на избирачите што се на привремена работа или престој во странство и има 7.551 избирач повеќе од изборите во 2021 година.
Согласно евиденцијата на надлежните органи право на глас имаат вкупно 112.000 избирачи кои се на привремена работа или престој во странство, 2.162 избирачи кои се наоѓаат на издржување казна затвор или се во притвор и 450 избирачи од домовите за стари лица.
Во државата се констатирани 3.480 избирачки места, од кои во 132 избирачки места се потпишани помалку од 10 избирачи.
ДИК ги задолжи општинските изборни комисии во координација со подрачните одделенија и регионалните канцеларии на ДИК да преземат дејствија за известување на гласачите на оние избирачки места каде што се запишани помалку од 10 гласачи.
