Астрономската есен во Македонија оваа година ќе започне денеска, понеделник, 22 септември во 14:19 часот по средноевропско време.
Денот на есенската рамноденица е моментот кога денот и ноќта траат приближно еднакво, а од тој ден натаму ноќите постепено ќе стануваат подолги од деновите.
Есента традиционално се поврзува со жетвата, богатството на плодови и подготовките за зимата.
Таа трае до 21 декември, кога календарски започнува зимата.
Астрономите потсетуваат дека рамнодениците и солстициите се важни природни појави што го одредуваат почетокот на годишните времиња и имаат значење уште од древните цивилизации.
Со пристигнувањето на есента, пред нас се денови исполнети со боите на опаднатото лисје, посвежи утра и потопли напитоци – вистинско време за уживање во природата пред зимските студови.
Содржината на објавата е сопственост на Радио Кочани.
