Зоран Николов успеа да го совлада највисокиот врв во Европа – Елбрус (5.642 мнв), сместен на планинскиот масив Кавказ во Русија. Ова го соопштува Планинарскиот спортски клуб „Осогово“ од Кочани, чиј член е Николов.
Овој значаен подвиг е резултат на огромна истрајност, љубов кон планината и силен планинарски дух, со кој Зоран уште еднаш го претстави нашиот клуб на највисоко ниво. Нека ова искачување биде инспирација за сите сегашни и идни планинари, а на Зоран му посакуваме уште многу нови успеси и безбедни искачувања на идните врвови, нагласуваат од кочанскиот ПСК „Осогово“.
На подвигот на Зоран Николов му претходела десетдневна експедиција и овој негов најнов успех е резултат на континуитет со висок ритам во планинарењето.
Претходно, тој има значајни искачувања на Ерменија, врвот Арарат во Турција, на масивот Памир во Киргистан, на Алпите во Швајцарија, Италија и Франција, како и на врвот Аконкагва во Аргентина.
Содржината на објавата е сопственост на Радио Кочани.
