Теракотните икони од Виничкото Кале повторно излегуваат надвор од нашата држава. На 19 – ти овој месец поставка од овие икони ќе се најде пред публиката во Требиње, Босна и Херцеговина, информираат од Локалниот археолошки и историски музеј „Теракота“ од Виница.
Изложбата ќе биде поставена во Галеријата на Матичниот музеј на Херцеговина. Отворањето е закажано за 20 часот.
Гостувањето во Требиње, БиХ, е дел од програмата за одбележување на јубилејот „40 години Виничко Кале – 40 години теракотни икони“ на музејот Теракота – Виница.
Во текот на минатата година во овој период теракотите од Виничкото Кале беа на изложба во Будва и Подгорица во Црна Гора, од каде потекнува интересот за нивно претставување и во БиХ.
Содржината на објавата е сопственост на Радио Кочани.
