Пензионирањето е период од животот во кој се уживаат плодовите од долгогодишниот труд. Тоа е животен стадиум кој носи слобода и време без работни обврски, исполнето со лични задоволства и повеќе моменти со семејството.
Вообичаено, во интерес на вработените, со почит и благодарност за долгогодишниот ангажман во компанијата, менаџерскиот тим на „Комфи Ангел“ прави пензионирањeто да биде величествен чин, горди што тие биле дел од “големо семејство„, како што често знае да рече првиот човек на компанијата „Комфи Ангел“.
Посакувајќи им среќно пензинирње, Ирена Јакимовска, менаџерот на една од најголемите извозно орентирани текстилни фабрики, „Комфи Ангел“- Прилеп, при оваа прилика објави на својата ФБ страна и напиша:
Денес со многу емоции ги испративме двајца наши колеги кои по долгогодишна работа и посветеност заминуваат во заслужена пензија. Со години беа дел од нашето секојдневие – со нивната професионалност, труд, знаење и, најмногу од сè, со човечноста и другарството што ги внесоа во колективот. Зад себе оставаат голем печат, многу пријателства и спомени што сите ние ќе ги носиме со себе. Им посакуваме здравје, среќа и безброј убави моменти во новата животна фаза. Нека пензионерските денови бидат исполнети со насмевки, мир и убави патувања. Благодариме за сè што направивте и што бевте дел од нашето големо семејство. Секогаш ќе имате место во нашите срца.
