На полноќ денеска 11 септември, завршува можноста граѓаните да извршат увид во Избирачкиот список за претстојните локални избори. Јавниот увид во податоците од Избирачкиот список за Локалните избори 2025 се врши во одделенијата и канцелариите на Државната изборна комисија низ општините. Додека пак за два дена подоцна, на 13 септември на полноќ завршува рокот за доствување на листите за кандидати за градоначалници и за советници.
На 29 септември започнува изборната кампања за локалните избори закажани за 19 октомври.
Локалните избори ќе се одржат на 19 октомври, кога граѓаните ќе ги избираат градоначалниците и советите во 80 општини и во Градот Скопје.
