Со целовечерен концерт во ЦК Марко Цепенков КУД “Мирче Ацев“ -Прилеп , заедно со пејачката група на „Преродба“, како гости на вечерта, дадоа свој придонес во одбележувањето на 8 -ми Септември, Денот на независноста на Република Македонија .
Автентично на интерпретирањето на македонското оро и песна на сцената, исткаено со љубов и со присуство на повеќе генерации кои станале вљубеници во народниот фолклор само ја потврди важноста и убавината од постоење на КУД „Мирче Ацев“-Прилеп, којшто е наш, прилепски, македонски, културен и автентичен негувач на идентитетот и постоењето на македонската традиција и култура. На концертот неколку генерации ги покажаа своите играроски вештини, голем ентузијазам и љубов кон народните игри и песни.
Но, концертот, не можеше подобро да завраши,на воодушевување и изненадување на сите – заврши со запросување на членови на друштвото, што беше круна на прекрасната изведба во која уживаше публиката која, за овој настан, ја наполни салата на домот на културата „Марко Цепенков“, до последното место.
Инаку, речиси осум децении КУД „Мирче Ацев“ е македонски и прилепски фолклорен амбасадор, кој го промовира македонскиот фолклор и традиција во Македонија но и надвор од Македонија. Од неговото постоење (1947 година) илјадници игроорци биле негови членови кои одржале повеќе од 5000 концерти, на сите континенти во Светот. Сето ова говори за важноста и улогата на КУД Мирче Ацев – Прилеп како културен амбасадор во Светото и во одржувањето, негувањето, чувањето и промовирање на македонските вредности.
КУД „Мирче Ацев“ има освоено бројни награди во повеќе држави, а е добитник и на третоноемвриското признание на градот Прилеп за негувањето на македонскиот фолклор.
