В сабота од 18.30 часот на стартот од Супер ракометната лигата на Македонија за мажи во првото коло прилепчани се домаќини. Во салата на СОУ Ристе Ристески Ричко екипата на РК Прилеп – го дочекува Еурофарм Пелистер, традиционално пелагониско дерби, прилепчани против битолчани.
Потсетуваме дека неодамна овој битолски суперлигаш го освои првото место на турнирот „Миле Нешкоски“ во Прилеп, во финалето совладувајќи го со 32:26 токму домашниот Прилеп.
Во меѓуврме , Прилеп доведе тројца нови играчи: Сандро Дарсанија (играше во Португалија), Божидар Лековиќ (Азербејџан) и Димитар Димитриоски (Шпанија). Екипата е и со нов тренер, Наум Танески, така што има РК Прилеп оваа сезона има серозна намера да влез во плејофот, меѓу шесте најдобри во лигата.
