Општина Прилеп најверојатно има шест независни кандидати за градоначалник, бидејќи потребните два потпис, собираа шестмина граѓани.
Вчера, заклучно со полноќ 1 септември, истече рокотза собирање потписи до подрачните одделенија и канцеларии на Државната изборна комисија (ДИК)
Се чини голем интересот за граоначалничка кандиатура има и во Општините: Долнени, Шуто Оризари и Град Скопје кои исто како и Прилеп, имаат по 6 кандидати за градоначалници.
Според податоците на ДИК, потписи за кандидати за градоначалници се собираа во 19 општини, за 32 кандидати, а за советнички листи во 15 општини, за 17 листи.
Според последната статистика, за градоначалници се собирале потписи во општините: Македонска Каменица (2 кандидати), Куманово, Охрид, Дебарца, Струга, Дебар, Центар, Демир Капија, Македонски Брод, Кочани, Битола (2 кандидати), Могила, Новаци (2 кандидати), Гостивар, Демир Хисар (5 кандидати), Прилеп (6 кандидати), Долнени, Шуто Оризари и Град Скопје. А за совети на општини во Куманово, Старо Негоричане, Струга, Дебар, Свети Николе, Лозово, Карпош, Македонски Брод, Кочани, Чешиново Облешево, Битола (2 листи), Прилеп (2 листи), Долнени, Чучер Сандево и Могила – информираа денеска од ДИК.
„Листите на кандидати за членови на советот и листата на кандидат за градоначалник на општината, заедно со евидентираните потписи како предлог и целокупната друга документација согласно законските услови и според Упатството на ДИК за начинот и постапката за поднесување, прием и потврдување на кандидатслите листи за локални избори 2025 година се поднесуваат до ОИК до 13 септември 2025 година, до 24 часот, кои одлучуваат за потврдување на истите“, информираа од ДИК.
