В среда од 18.30 часот во Градската библиотека „Борка Талески“ во Прилеп, ќе се одржи изложба и промоција на книга со поезија и кратки раскази насловена „Талкање низ емоциите и државите“ од група автори.
Оваа книга е плод на заедничката соработка на македонските со странски автори, која почна на иницијатива на Марилена Стреи-Бианки. Делото е продолжение на веќе објавена двојзична (македонско-англиска) збирка со наслов „Емоции“. Уметниците од нашата земја и Италија работејќи заедно на ова дело, го претствуваат својот внатрешен, но и надворешен свет, опкружувањето. Секој уметник се отвора кон културата и чувствата за другите, создавајќи мост за уметничко изразување и чувства. Книгата е важен израз на континуиран дијалог во духот на слободата и разбирањето.
Во оваа збирка, свои песни и раскази објавуваат: Андриана Ристеска, Апостолос Константакакис, Беатриче Бресан, Габриела Станоеска Стојаноска, Игор Трпчески, Марилена Стрeит-Бианки, Петре Петрески и Сузана Ѓорѓиевска.
Автори на илустрациите се: Василка Фимков, Дарко Талески и Методија Јорданоски.
Корицата на книгата е фотографија на дело од 2015 од академскиот сликар Кирил Гегоски.
Ако доволно ве заинтригиравме, повелете во библиотеката во среда во 18:30 часот, да продолжиме заедно, градејќи мостови, рушејќи бариери и создавајќи нови хоризонти и на слободата и уметноста.
Корицата на книгата е фотографија на дело од 2015 од академскиот сликар Кирил Гегоски.
Ако доволно ве заинтригиравме, повелете во библиотеката во среда во 18:30 часот, да продолжиме заедно, градејќи мостови, рушејќи бариери и создавајќи нови хоризонти и на слободата и уметноста.
