В недела (31.08 2025 од 11-17 часот), во Прилеп ќе се одржи третиот саем на винили (носач на звук), цд-иња, касети, накит и многу други работи поврзани со музика.
За време на настанот вљубениците на музиката и сите граѓани ќе имаат можност да се запознат и да купуваат носачи на звук/расни предмет/ од излагачи и колекционери од Македонија и Србија.
“ Она по што се препознатливи настаните кај Саатот, нема да изостане и овој пат, односно, истовремено ве покануваме и на забава за која ќе се погрижат потврдените учесници Dj Koko, Dj Simeon Lotti, Dj Geto Rud, како и Менде Кец со својот експериментален настап. Настанот ќе одржи во просторот околу градската Саат-кула од 11 до 17 часот.“ велат органзиаторите Јавен Простор Прилеп и Винтер Априкотс.
„А , за настанот да биде комплетен, вечерта, секако дека ќе бидете поканети на кино и музика од 20:30 часот“- вели иницинаторот на целиот овој необичен културен настан, Блаже Томески.
За да се реализира ова значајно интерактивно случување во Прилпе организаторите изразуваат посебна благодарност до поддржувачите: ДиЏеј Пете (Дејан Ефтинџиоски), Декор завеси, Euroterm Solarico, Kostoski Inn апартмани, Гастро-бар Монарка, кафе Чоше и кафе Носталгија.
