Просториите на Општинската изборна комисија Прилеп се дислоцирани. Тие не се повеќе во старата општинска зграда.
Поради лошата состојба на зградата на т.н стара општинска зграда во Прилеп, руинирани и нефункционални простории, канцелариите на Општинската изборна комисија во Прилеп (ОИК) во пресрет на претстојните локални избори деновиве се преместени на нова локација.
Општинската изборна комисија Прилеп доби нови простории во ЦК „Марко Цепенков“, каде ќе се одвиваат активностите поврзани со Локалните избори 2025 година. Ова информација за Радио Пела ја потврди и претседател на ОИК Прилеп, Валентин Божиноски.
Се очекува просториите на ОИК да бидат значително посетувани од страна на граѓаните, особено по најавата на ДИК за намалување на прагот за учество на претстојните локални избори во октомври, каде независните кандидати можат со собирање на два потписи можат да учествуваа како кандидати за градоначалници или советници на локалните избори.
