Според известувањето на официјалната веб страна на новиот испитен центар „Супер возач“ за подрачјето на СВР Битола, центарот нема да нема да закажува и спроведува испити од 12.08.2025 година најдоцна до 13.09.2025 година:
„Известување: Испитниот центар нема да закажува и спроведува испити од 12.08.2025 година најдоцна до 13.09.2025 година“, стои на нивната веб страна.
Испитниот центар за полагање на возачки испит е ставен на пауза од еден месец. На што се должи ваквото известување, и дали има некаква забрана, сеуште не е јасно, но во секој случај нема да има закажување и полагање на возачки испити за идните возачи од Пелагонија: Битола, Прилеп, Ресен и другите помали општини во рамките на СВР Битола, кој покрива 11 општини со 400 населени места и близу 300.000 жители.
Испитниот центар „Супер возач“ доби лиценца за оператор за спроведување на возачки испити во јуни годинава по претходна 6 месечна пауза.
