Голем пожар изби попладнево на улицата „Браќа Ставреви“ во Кочани, при што интервенираат сите расположиви сили на Територијалната противпожарна единица. Според првичните информации, во гаснењето на пожарот активно се вклучени и членовите на Доброволното противпожарно друштво.
Во моментот, пожарникарите со сите возила се борат со огнената стихија, а на терен е присутна и полицијата, која ја обезбедува локацијата и помага во координацијата на акцијата.
Според податоци од Итната медицинска служба, досега се хоспитализирани три лица, најверојатно поради вдишување чад и полесни повреди. Засега нема информации за потешко повредени или загинати лица.
Причините за пожарот сè уште се непознати, а надлежните служби најавија дека по целосното локализирање на огнот ќе започне истрага за утврдување на околностите под кои избил пожарот.
Во очекување на повеќе информации, граѓаните се повикуваат да го избегнуваат тој дел од градот и да им отстапат простор на службите за интервенција.
Содржината на објавата е сопственост на Радио Кочани.
