Денеска се одржа 55. седница на Советот на Општина Чешиново-Облешево, откако претходната седница заврши со вербални расправии и неизгласани неколку клучни точки.
Овојпат, советниците успеаја да постигнат договор и да ги усвојат точките од дневниот ред.
Со 4 гласа „за“ и 3 „воздржани“, беше усвоена одлуката за доделување финансиски средства на Детската градинка „Ѕвездички“. Исто така, со 5 гласа „за“ и 2 „воздржани“, беше донесен ребалансот на буџетот на Општината.
На дневниот ред се најде и Годишниот план за вработување во Општина Чешиново-Облешево за наредната година. За оваа точка гласаа 4 советници „за“, а 3 беа „воздржани“, со што и таа беше усвоена.
Содржината на објавата е сопственост на Радио Кочани.
