На полноќ (на 14.07.2025) во 00.30 часот на експресен пат Градско-Прилеп, полициски службеници од ОВР Кавадарци го лишија од слобода Д.С.(47) од Прилеп.
При сообраќајна контрола, полициски службеници сопреле патничко возило „опел” со скопски регистарски ознаки. Кај прилепчанецот кој го управувал возилото, констатирано е дека е возел под дејство на алкохол, односно измерени му се 1.88 промили алкохол во крвта, но и го управувал возилото пред да се стекне со право на управување со моторно возило.
Д.С. е задржан во полициска станица и известен е јавен обвинител, информираат од МВР.
По документирање на настаните, ќе бидат поднесени пријави по член 297-а од Кривичниот законик – „безобѕирно управување со моторно возило”.
