В. д. градоначалникот на Општина Кочани Венко Крстевски го прими во официјална посета амбасадорот на Чешка во Македонија, Н. Е. Јарослав Лудва.
Амбасадорот се интересираше за состојбата по трагедијата и начините за справување со последиците од неа. Посебен интерес покажа за функционирањето на Доброволното противпожарно друштво и Територијалната противпожарна единица, за нивната опременост и екипираност.
Во разговорите беше истакната можноста за набавка на дронови за ДПД и ТППЕ, коишто ќе бидат презентирани од фирми од Чешка.
Крстевски соопшти дека добриот глас за кочанскиот ориз во дипломатските кругови, отвора можност за негова промоција и пласман на пазарот во Чешка.
Содржината на објавата е сопственост на Радио Кочани.
