Ноќеска избувна пожар на плац лоциран веднаш до бензинската пумпа „Авто Петрол“ кај населбата Оризари, на излезот од Кочани, при што беа зафатени и целосно изгореа неколку автобуси.
Пожарот бил пријавен во текот на ноќта, по што на терен излегле екипи на Територијалната противпожарна единица од Кочани. Интервенцијата траела неколку часа, а засега нема информации за повредени лица.
Причините за пожарот сè уште не се познати, а увид на местото на настанот вршат припадници на полицијата и противпожарните служби.
Локалните жители изразија загриженост бидејќи плацот се наоѓа во непосредна близина на бензинската пумпа, што ја зголемува опасноста од поголема катастрофа.
Од надлежните институции се очекува наскоро да излезат со повеќе информации за причините и последиците од пожарот.
Содржината на објавата е сопственост на Радио Кочани.
