Итната медицинска помош од Кочани, регистрира зголемен број прегледи и повици за интервенции во домашни услови, како последица од високите температури.
Оттаму истакна дека од топлотниот бран најмногу страдаат хронично болните и постарите над 60 годишна возраст.
Лекарите апелираат сите болни лица да си ја земаат потребната терапија и да не излегуваат на отворено во критичниот период од денот, односно од 11 до 17 часот.
Од Итната медицинска помош – Кочани додаваат ако лицата се движат на отворено кога е најтопло во текот на денот да носат полесна облека со цел да не дојде до колабирање, но исто така напоменаа при дирекно излагање на топло, граѓаните да не бидат гладни и жедни, затоа што дехидрирањето може да биде сериозна здравствена закана.
Во однос на возниот парк на Општата болница со проширена дејност, в.д директорката Катерина Мирчовска вели дека со последните две донации на амбулантни возила, здравствената установа може да реагира на повеќе повици при што возилата се опремени со современа медицинска опрема.
Инаку, последното возило од сопствени средства беше набавено во декември 2023.
Содржината на објавата е сопственост на Радио Кочани.
