Првата група повредени од пожарот во Кочани почна со лекување на Пониква

Оригинален линк на написот: Radiokocani.mk

Почна лекувањето во одмарилиштето на „Пониква“ на настраданите од кобниот пожар што се случи во дискотеката „Пулс“. 46 луѓе на кои им е потребно лекување од изгореници, се дел од првата група којашто две недели ќе се лекува во одмарилиштето. Тие ќе добијат физикална и физиотерапија, ќе вежбаат јога, набавени се веќе и специјалните креми за изгорена кожа, а обучен тим на медицинари ќе се грижат за нив. Директорката на Општата боолница Кочани, информира дека во следен период, во неколку групи, пациентите ќе можат  во одмаралиштето да го продолжат лекувањето на раните.

58 пациенти веќе носат компресивна облека. Медицинарите забележале значителни подобрувања кај пациентите. Како што вчера беше објавено, дополнително, се вршат подготовките за изработка на компресивна облека за уште 14 лица, со помош на која ќе можат да ги изведуваат неопходните физикални вежби и ќе имаат заштитен фактор килу нивните лузни.

Лекарите ги советуваат пациентите стриктно да ги почитуваат препораките за носење на компресивната облека во поголем дел од денот, најмалку 23 часа. Притоа, во наредните две години, облеката треба да се менува на секои шест месеци, а Фондот за здравствено осигурување ќе обезбеди два сета по пациент.

Стигнати биле и лепенки што пациентите долго ги барале, првата пристигната тура броела 95 лепенки.

Веќе биле потпишани договори со ГОБ „8 Септември“ за пулмолози, се работело на списоци со пациенти на кои им е неопходен преглед кај пулмолог. Директорката на кочанската болница нагласи  дека ќе се направи список на потреби, распоред за пулмолошки прегледи кои што ќе се одвиваат во Општата болница – Кочани.

Истовремено, Кочани добива системски пристап во здравството и подобри услови за пациентите. Во моментов се одвива реконструкција на просторот на физикална медицина во кочанската болница, со вкупна површина од 350 квадратни метри. Рокот за завршување на работите е предвиден во наредните 3-4 недели.

Содржината на објавата е сопственост на Радио Кочани

Категорија:

ОСТАНАТО ОД РУБРИКА

Рудник САСА го одбележува Денот на рударите со награди за вработените и донации за локалната заедница

По повод 28 август – Денот на македонските рудари и двојниот празник на Македонска Каменица, Рудник САСА продолжи со својата долгогодишна традиција на оддавање признание за трудот и посветеноста на своите вработени, потврдувајќи ја воедно својата заложба за поддршка на напредокот на локалната заедница. И оваа година сите 790 вработени во САСА за празникот добија

Петмина од повредените во „Пулс“ се уште се на болничко лекување, двајца во Турција, тројца во државата

Петмина од повредените во пожарот во дискотеката ,,Пулс”, во Кочани, и по пет месеци од трагичниот настан се уште се наоѓаат на болничко лекување. Двајца се во здравствена установа во Турција, а тројца во земјава. Според последните информации со кои располага Фондот за здравствено осигурување, дел од лицата повредени во трагичниот настан во дискотеката „Пулс“

Трка во чест на Иле, возачот на Брза помош, кој возеше 11 пати од Кочани за Скопје на денот на трагедијата во „Пулс“

На 6 септември за првпат ќе се одржи хуманитарна трка „Голак Треил‘‘,  спортски настан кој претставува уникатна комбинација од планинско трчање и брзо одење, зависно од делницата на патеката, низ живописните предели на планината Голак, со совладување на одредена надморска висина. Првото издание на ‘‘Голак Треил‘‘ ќе биде посветено на прерано починатиот Иле Гоцевски, возач