Сите здравствени потреби на повредените од Кочани ќе бидат на товар и поддржани од државата на долги стази, најави денеска директорот на Фондот за здравство, Сашо Клековски.
Централна установа за грижа на повредените е болницата во Кочани, каде се обезбедува медицински персонал за да може најголем дел од здравствените услуги да ги добиваат во самата болница.
Здравствените власти се во консултација со експерти од Белгија за понатамошниот третман на повредените и доколку е потребно, дел од нив ќе го продолжат лекувањето во странство.
Сашо Клековски – Директор на ФЗОМ
„Ова е процес кој тече се адаптира и трае, на пример компресивната облека која што сега ја користат 58 лица за други делови на телото освен врат и лице, за врат и лице се осум лица, значи вкупно 66 лица ќе трае, затоа што се уште имаме десет лциа кои се во болницам значи процесот трае и ќе се адаптира и мора да кажам ќе трае две години, знали препоракуте за компресивна облека ќ “
Клековски вели дека во моментов се дава здравствена заштита на сите без разлика дали имаат осигурување или не. Во однос на партиципацијата и боледувањата пак првиот човек на Фондот вели дека се преземаат чекори и во тој дел.
Сашо Клековски – Директор на ФЗОМ
„Во однос на партиципацијата министерот за здравство презема обврска да предложи измена на програмата за млади да оваа основа се додаде како основа за ослобдување од партиципација која е најбрз начин за законско регулирање на ова прашање. Во однос на боледувањата сите што имаат потреба ќе бидат покриени, во моментот имаме во однос на повредените две боледувања кои се спорни, долгорочни боледувања, не на сметка на работадавачот и работиме на нивно разрешување, што значи ќе бараме начин. Дел од потешко повредените не се на работна туку на школска возраст и мислам дека наскоро МОН ќе излезе со соодветен став за тие што се ученици во трета година или биле ученици во четврта година“.
Во однос на барањата за вработувања во кочанската болница Клековски вели дека не се целосно поврзани со третманот на повредените, туку се и за потребите на други оддели. Информираше дека пет од повредените се уште се на лекување во странство, а пет во Скопје.
Содржината на објавата е сопственост на Радио Кочани.
